Jughurt a Mëllech, Äppel an Zalot, Kéis an Ham, Eeër a Miel, Hunneg a Rapsueleg ... d’Auswiel un heemesche Liewensmëttel ass grouss. Mee wéi eng Iesswuere kommen aus der Regioun a wéi gi se hiergestallt? Bauere vun Heiheem ginn een Abléck an hier Aarbecht an an d’Produktioun vun héichwäertege Liewensmëttel.
Ëmmer méi Leit leeë Wäert op eng gesond an nohalteg Ernärung mat saisonalen a regionale Liewensmëttelen. Just grad haut, wou d’Ofhängegkeet vun internationale Liwwerketten offensichtlech gëtt, sollten d’Konsumenten d’Geleeënheet notzen, hiert Kafverhalen ze iwwerdenken. En éischte Schrëtt an dës Richtung ass et, sech iwwer Liewensmëttelen aus landwirtschaftlecher Produktioun zu Lëtzebuerg an d’Plazen, wou een se kafe kann, ze informéieren.
An eisem Saisonskalenner gesitt Dir all Mount, wéi een Uebst a Geméis grad regional a saisonal ze kréien ass.
Duerch d’Globaliséierung kommen ëmmer méi Produkter aus Länner mat niddrege Produktiounskäschten op de Maart. Domat wiisst den Drock op d’Baueren an der EU an deemno och zu Lëtzebuerg. Dëser wirtschaftlecher Erausfuerderung stellt sech d’Lëtzebuerger Landwirtschaft mat qualitativ héichwäertege Produkter. Weider Infoen zu de regionalen an nationale Lëtzebuerger Labelen.
Ministère fir Landwirtschaft, Wäibau a ländlech Entwécklung
1, rue de la Congrégation
L – 1352 Luxemburg
(+352) 247-82500
© 2021 Regional & Saisonal – All Rechter virbehalen
Rechtlech Hiweiser | Informatiounen iwwert den Internetsite | Accessibilitéitserklärung
German 
Luxembourgish 
French 
English 
German (Formal)