REgional & saisonal

REzepter

Lëtzebuerger Hämmelskotletten mat enger Geessekéis- a Kraidercreme

De Geessefrëschkéis mam Botter, de kleng geschniddenen Ënnen a Schallotten, dem gemuelene Knuewelek an de Kraider gutt mëschen, mat Salz a Peffer wierzen, an e Sprëtzbeidel fëllen a kal stellen.

D'geschielte Gromperen a Wierfele schneiden an an en Dëppe mat Salzwaasser leeën. D'geschielte Brockelcher an dat selwecht Dëppe leeën a béides zesumme mëll kachen. Wa béides mëll ass, duerch eng Saibecke schëdden, d'Brockelcher vun de Gromperen trennen an alles ofdrëpse loossen. D'Mëllech an dat selwecht Dëppen schëdden a mam Salz, Peffer an dem geriwwene Muskot wierzen. D'gekachte Gromperen derbäiginn a mat engem Stéisser zu Püree verschaffen. D'Brockelcher a Véirel schneiden, drënnermëschen a wierzen.

Déi kleng geschnidden Ënne mam Knuewelek a Botter dëmpen, déi virgekachte Staachebounen a Muerten derbäiginn a glaséiere loossen. Mat Salz, Peffer a Bounekraitche wierzen.

D'Hämmelskotletten gi ganz zum Schluss kierz virum Uriichte gegrillt, bis se bannendran zaart rosa sinn.

4 Portiounen
1 Stonn

© photostudio C. Bosseler

Gudden Appetit!

Lëtzebuerger Hämmelskotletten mat enger Geessekéis- a Kraidercreme

1 kg Hämmelskotletten
Fir d'Creme:
100 g Geessefrëschkéis mat Kraider
100 g Botter
100 g ganz kleng geschnidde Schallotten an Ënnen
20 g gemuelene Knuewelek
Kraider: Péiterséileg a Bratzelen
Salz a Peffer
Fir de Rescht:
600 g mielzeg Gromperen
1/4 l Mëllech
50 g Botter
200 g Brockelcher
200 g gréng Bounen
200 g Muerten
Ganz kleng geschnidden Ënnen a gemuelene Knuewelek
Gedréchent Bounekraitchen

Rezept presentéiert vum

„Les Écuries du Parc“ zu Clierf

© photostudio C. Bosseler

Produkter

Miel, Kaffi

Philosophie

Lokal Produiten an traditionell Rezepter sinn d’Häerzstéck vun der Aarbecht vum Kichechef Marc Arend. Him ass et wichteg, seng Passioun fir frësch Qualitéitsproduiten aus der Regioun mat senge Clienten ze deelen. Genee wéi seng Leidenschaft fir d’Kachen, déi hie säit Joren u Léierjongen a -meedercher weidergëtt, woubäi hien och Wäert op eng gesond an equilibréiert Ernärung leet.

„Die Zutaten kommen aus der Region, sind frisch und werden vor Ort verarbeitet“, sagt Marc Arend. Das ist im Sinne eines guten Geschmacks und natürlich auch des Klimaschutzes. Dies ermöglicht eine völlige Transparenz in der Lieferkette und somit die Sicherheit der Lebensmittel. Die Karte des Restaurants wird der jeweiligen Saison angepasst, um die natürlichen Wachstumszyklen von Gemüse und Obst sowie die Traditionen der Region zu respektieren.

Alles, wat mir an eiser Kiche benotzen, kënnt aus der Regioun, ass frësch a gëtt sur place verschafft

Maacht mat a schéckt

Maacht mat a schéckt

eis Äert Liblingsrezept

Saisonal

Rezepter

Vill Spaass beim Nokachen!