Virbereedungs- a Kachzäit: 60 Minutten
D’Grompere schielen, a graff Stécker schneiden a 25 Minutten a gesalztem Waasser kachen. An där Zäit d’Mëllech mat Botter, Salz, Peffer a Muskot waarm maachen. Déi gekachte Gromperen mat enger Püreespress an déi waarm Mëllech-Botter-Mëschung duerchdrécken.
© photostudio C. Bosseler
© photostudio C. Bosseler
Déi gewäsch Mange-touten an eng Rauteform schneiden a se mat gehackte Schallotten, Rosmarin, Salz a Peffer an engem Dëppe kuerz ubroden. 4 cl Waasser dobäiginn a se mam Deckel um Dëppen dëmpen.
D’Schallotte kleng hacken an a Botter dëmpen bis se glaseg sinn. Mam Riesling a mam Fleeschfonds ofläschen an akache loossen. De Moschter an d’Ram dobäiginn a weider akache loossen, mat Salz a Peffer wierzen. Zum Schluss d’Wäinzoossissen a waarmem Rapsueleg broden.
© photostudio C. Bosseler
© photostudio C. Bosseler
Fir 4 Persoune braucht Dir:
Gromperepüree a Mange-touten
750 g mieleg Gromperen
80 g Botter
100 ml Mëllech
10 g Schallotten
160 g Mange-touten
Rosmarin
Salz, Peffer, Muskot
Wäinzoossiss mat Moschterzooss
4 „Wäinzoossissen“ (luxemburgische Wurstspezialität)
2 EL Rapsöl
20 g Butter
10 g Schalotten
10 cl Fleischfonds
10 cl Sahne
10 cl Riesling
2 EL Senf
Salz, Pfeffer
Rezept presentéiert vun der
Jugendherberge Beaufort
© photostudio C. Bosseler
Dem Kichepersonal ass et wichteg, am multikulturellen Ëmfeld vun de Jugendherbergen déi Lëtzebuerger Kichen ze presentéieren. Dozou gehéieren natierlech Liewensmëttel aus regionaler a saisonaler Produktioun. Den Hunneg, deen an de Kiche verschafft gëtt, produzéiere Beien, deenen hier Stäck op den Diecher vun de Jugendherbergen zu Esch-Uelzecht an an der Stad stinn. D’Ekobilanz spillt eng Roll beim Choix vun de Produiten an dofir ginn onnéideg Transportweeër evitéiert.
Philosophie
Natur- an Ëmweltschutz si fir „Les Auberges de jeunesse luxembourgeoises asbl“ eng Häerzensugeleeënheet. An de Kader vum Ekotourismus passt och eng nohalteg Ernierung a lokaalt Iessen. Virun allem gi regional an och fair gehandelt Produiten verschafft. An der Zesummestellung vun de Menüe ginn d’Joreszäite respektéiert. Doriwwer eraus ginn an de Jugendherbergen sou mann wéi méiglech Iesswueren ewechgeheit, dofir ginn zum Beispill d’Portiounen dem Honger vun de Clienten ugepasst.
Bei eis ass d’Iessen net bëlleg, mee fair a gënschteg.